Nimani isbotlay olamiz, nimani — yo‘q

Har bir markaz «bizga ishoning» deydi. Bu sahifa buning teskarisi: biz o‘z saytimizdagi har bir da’voni tekshirib chiqdik va ularni nima bilan tasdiqlanishiga qarab ajratdik.

Sabab oddiy. Ota-ona markaz tanlayotganda tekshira oladigan narsasi deyarli yo‘q — hamma bir xil gapiradi. Shuning uchun biz o‘z ustimizdan tekshiruv o‘tkazdik va natijasini yashirmadik: quyida bizning eng katta raqamlarimiz ham «isbotlanmagan» ustunida turibdi.

Bu sahifa bizni boshqalardan ustun qilmaydi. U shunchaki nimani so‘rashni biladigan odamga rost javob beradi.

SAT sanalari, muddatlari va to‘lovlari. Har bir raqam College Board saytidan ko‘chirilgan, manba havolasi va biz tekshirgan sana yonida turadi. Bizga ishonishingiz shart emas — havolani bosing.

Universitet stipendiya shartlari. Manbasi ko‘rsatilgan, lekin bu shartlar har qabul mavsumida o‘zgaradi — o‘zingiz o‘qib chiqing.

Ustozlarning ismi va surati. Hammasi haqiqiy odamlar, manzilimiz ochiq — kelib ko‘rishingiz mumkin.

Ustozlarning SAT ballari. Bu ballar bizning o‘z yozuvlarimizdan olingan. Biz ustozlarning imtihon hisobotlarini e’lon qilmaymiz, demak siz ularni tekshira olmaysiz. Ballar to‘g‘ri, lekin buni bizdan boshqa hech kim tasdiqlamaydi.

Asoschimizning 1590 bali, IELTS 8.5 va Columbia University. Xuddi shunday — bizning so‘zimiz.

Ikki ustozimiz qabul qilingan universitetlar — HKUST, University of British Columbia, Boston University, Knox College, University of Florida, Rutgers, University of Missouri. Bu qabul xatlari avval saytda ochiq turardi; 2026-yil 5-sentabrda ularni olib tashladik, shuning uchun endi bu ham bizning so‘zimiz.

Bosh sahifadagi eng katta raqamlar: 10 000 dan ortiq o‘quvchi, 5 000 dan ortig‘i 1350+, 1 000 dan ortig‘i yetakchi universitetlarda. Bular bizning ichki hisobimiz. Mustaqil auditor tekshirmagan, va biz «tekshirilgan» demaymiz.

«O‘zbekistonda birinchi SAT darslarini shu jamoa o‘tkazgan». Biz shunga ishonamiz, lekin buni tasdiqlaydigan ochiq hujjat topa olmadik — inkor qiladiganini ham. Shuning uchun bu — da’vo, dalil emas.

SAT haqida «bir foiz bilardi, bugun to‘qson foiz biladi» degan raqamlar. Bu so‘rovnoma emas, asoschimizning baholovi. Boshqa sahifamizda biz «manbasiz foizni kim aytsa — o‘ylab topgan» deb yozganmiz. O‘sha qoida bizga ham tegishli, shuning uchun bu raqamlar shu yerda turibdi.

Natija chiqadigan aniq sana. College Board buni e’lon qilmaydi, biz esa o‘ylab topmaymiz.

SAT to‘lovining so‘mdagi qiymati. Kurs o‘zgaradi, eskirgan hisob esa yolg‘on narxga aylanadi. To‘lovni College Boardga dollarda qilasiz.

Metrogacha necha daqiqa piyoda. Bu yo‘lni hech kim o‘lchamagan. Bunyodkor ko‘chasini kesib o‘tish kerak, va «5 daqiqa» degan o‘ylab topilgan raqam sababli kechikkan ota-ona aldangan bo‘ladi.

To‘liq grant oladigan o‘quvchilarimizning foizi. Bizda bunday raqam yo‘q. Kim sizga aytsa — o‘ylab topgan, bizni ham shu bilan sinang.

O‘quvchilarning o‘sish grafigi hozircha namuna ma’lumot ustida qurilgan, va grafikning o‘zi shuni yozib turibdi. Haqiqiy diagnostika va imtihon juftliklari kelgach, yozuv o‘zi yo‘qoladi.